button-Niedecken-songs.gif (3862 Byte)

Fröher oder spääder
Von der CD "Leopardefell", 1995

Oh, nä, dat woss ich nit, wollt dir nit wieh dunn. Dat du sujet persönlich nimmps!! Oh, nä, dat wollt ich nit, dat wöhr mir zo stumpf. Zofällig stund ich do, dat stemmp. Als du dämm Typ saats: "Maach et joot!" un grins, do daacht ich, mir wöhr alles kloor, dat du niemohls für immer jings, dat alles nur'e Spillche woor. Fröher oder spääder süht einer vun uns enn, dat du jehührt häss op en enn're Stemm. Fröher oder spääder süht einer vun uns enn, dat ich dir vill zo lang nohjerannt benn. Nä, ich verstund kei Woot, sooch keine Senn drinn, weil du en Rätsel sproochs, als wöhrste'n Sphinx. Ich daach, dat wöhr ejal, dat dat schon kloor jing, als ich hypnotisiert ahn dinge Leppe hing. Wat flüstert die mir do en’t Uhr? Sprich do en Hillije, sprich do'n Hur? Woor ich zo blööd, woor ich zo stur? Woors du zo jung, janz einfach nur? Als dann dä Schnie feel, woor ich ald lang blind, hann ich ald lang bloß noch op dich jehührt. Un ich hatt keine Plan, wat met uns affjing. Die Haupsaach woor, vun dir verführt!! Un spääder, als ich ming Entschuldigung braat, kräät ich ming Auge ussjekratz. Dobei woot ich noch ussjelaach. Selvs donoh hatt ich dich nit satt.

Früher oder später
Übersetzt von Chrischi 1998

Oh, nein, das wußte ich nicht. Wollte dir nicht weh tun. Daß du so etwas persönlich nimmst!! Oh, nein, das wollte ich nicht, das wäre mir zu stumpf. Zufällig stand ich da, das stimmt. Als du dem Typ sagtest: "Mach’s gut!" und grinstest, da dachte ich, mir wäre alles klar, daß du niemals für immer gingst, daß alles nur ein Spielchen war. Früher oder später sieht einer von uns ein, daß du gehört hast auf eine innere Stimme. Früher oder später sieht einer von uns ein, daß ich dir viel zu lange nachgerannt bin. Nein, ich verstand kein Wort, sah keinen Sinn darin, weil du in Rätseln sprachst, als wärst du eine Sphinx. Ich dachte, daß wäre egal, daß das schon klar ginge, als ich hypnotisiert an deinen Lippen hing. Was flüstert die mir da in’s Ohr? Spricht da eine Heilige, spricht da eine Hure? War ich zu blöd, war ich zu stur? Warst du zu jung, ganz einfach nur? Als dann der Schnee fiel, war ich schon lange blind, habe ich schon lange bloß noch auf dich gehört. Und ich hatte keinen Plan, was mit uns abging. Die Hauptsache war, von dir verführt!! Und später, als ich meine Entschuldigung brachte, kriegte ich meine Augen ausgekratzt. Dabei wurde ich noch ausgelacht. Selbst danach hatte ich dich nicht satt.